على شانه..على شانه..على شانه..على شانه !!
على نارٍ وسط صدري جلست اجاذب الونات
واكفكف دمعةٍ طاحت سبب صده وهجرانه ..
انا اللي عشت لعيونه وصدري مقبرة آهات
انا من عبرته داخل خفوقه دوم حيرانه
على شانه قوت نفسي تقاوم اعظم الصدمات
وعلى شانه على شانه نويت اكتب على شانه
على شانه بديت اسهر واكفكف دمعتي بسكات
يبات الخلق وعيوني تناظر فوق سهرانه
على شانه على شانه بديت ارتب الابيات
يجي طيفه يسامرني ويجبرني على العبرات
و على شانه وسط قلبي يزيد الشوق نيرانه
يطول المشي او يقصر شمالي../ ما اخلف الهقوات
أنا بأمشي على دربه لو إن النفس فترانه
والى من تعبت اقدامي ماراح اندم على اللي فات
بأقول إنه على شانه..! وابد منتيب خسرانه
وعلى شانه على شانه انا باستعذب الطعنات
واقول اللــــه ما احلاها ,, جروحٍ منك شرهانه
تعال اجرح تعال اطعن تعال وذلل الصعبات
وانا قلبي من اصعبها , وريده دون شريانه
على شانه ابي عشقي يصير بدنيتي ايات
والى مني مشيت بدرب قالوا عاشقه (عااانه)
واذا به شخص يسألني يجاوب صدري بنبرات
يردد اسمك , ونفسي على طرياك هلكانه
واذا قالوا سلاماتك ,, جذبت بصوتي الونات
(على شانه على شانه على شانه على شانه)
تعليقات
إرسال تعليق