ياوحشة روحي والخاطر

تعبت من الوله والشوق ... تعـبت وطـول الهـجـران
تعبت من الفـراق اللي ... أبــد مـا شفـت لـه آخر

تعبت من السفر والخوف ... غربـة ليـلي والأحــزان
يا وحشة قلبي من دونـك ... يا وحشة روحي والخاطر

تـمنيـتك على بعــدك ... تـمنيتـك أهـل وأوطـان
تـمنيـتك هـنا عمري ... فـرح دنيا وأمــل بـاكر

خذاك البعـد يا غايب ... خذاك الوقـت والنسيان
أبي ترجـع لجـل دمـعٍ ٍ ... وقف في العين جمر عاثر

أمانة يـا بعـيد ارجـع ... ذبحـني الخوف والخذلان
ذبـحــنـي الـشــوق ... وما بيّن للأشواق أبد آخر