ياعمري وش اخبارك؟

 على طاري الكلام العذب ياعمري وش اخبارك
وش أخبار الغرام اللي سكن في داخل عيونك

وعلى طاري صباح الورد من نسمات أزهارك
صباح الياسمينة .. يا عبير الورد .. يا لونــــك

أنام بحضنك الدافي .. وأعـيـــــش أشـعـــارك
يصحيني غلاك العذب وأمـسي بدافي شجـونك

حبيبي يا حبيبي كل هـالدنـيا لي تبارك
أنا بختار قلبك .. تدري انا كلك اختارك

عيونك مبسمك طولك .. وليل ظافي متونـك
أذوب ان جابك الطاري واهيم بعالم أبحارك




أنا الغرقان في حبك ومرسى حبي جفونك
على هونك على قلبي ترا ماقوى تبختارك

دخيلك لا تضيعني .. ترفق بي على هونك
أروح أبعد أسافر.. يا حبيبي وارجع لدارك

وتخيل تخطي بحقي وانا أرفض مابي أعذارك
لأنك كل ما تخطي.. أزيدك عشق واصونـك

واجيك العاشق الهايم واقول اسف لمقدارك
انا المخطي بحقك والعواذل لايهمونك

حبيبي مابي جنتك انا والله ابي نارك
تسميها جنون الحب انا والله مجنونك

على فكره وش الدنيا بلا طاريك واخبارك
قسم بالله ماتسوى ..ولاهي شي من دونـك